September 2009 (河馬仔-賽馬,飲食,動漫雜薈博客)

河馬仔 | 30th Sep 2009 | 飲食 | (10 Reads)

這個食評其實有想在一年前已經想寫了,可惜當時食完後又冇乜機會再食過,今次幸好有時間,在接近一年後再來食過,在此寫回一年前同一年後的回憶吧.

這兒就是九龍圓方的月滿樓.

2008年的秋天,無論事業及情緒,小弟當時都處於最低點,有一天放假和父母一起到圓方走一趟,剛好母親說那兒的手打墨魚丸及綾魚球好吃,值得我去一試,結果在下午茶時段入店內看看.

店內食品種類繁多,雖然裝潢上極似高級中式酒樓格局,但食品並不限於中式食品,如普通在茶餐廳食得到的三絲炒麵及炸豬排沙律都有得揀,而且賣相及味道皆合水準,至少相比來說不太油膩,而且個豬排都好香口,當作下午茶都尚算不俗.

當然主角還是此店出名的手打墨魚丸及綾魚球,當日要了一碗雙丸麵,又係確實非常彈牙,絕對沒有死實的感覺.加上最喜歡那個綾魚球唔覺腥亦唔覺多碎骨,兩種丸的感覺亦夠滑,相當不俗.

往事暫時擱在一旁先,今年終於有時間去圓方食午飯,當然都想回味一下此店的出品.今年去了兩次,第一次試了一個义燒米線套餐,义燒稍嫌唔夠燶及厚,但幸好唔粗糙,仍可試試的.油菜不俗,新鮮不老,不需要蠔油也可以.最驚喜的就是那個米線湯底熱辣辣,仲有非常濃郁的蝦子味,香氣四溢.

套餐還有配即磨咖啡,當然對此不會寄太大厚望,可算合格的.

當然要看看水準能否保持,一定要試回雙丸,不過今次要了河粉而非麵.兩種丸同樣出色,彈牙,爽滑,味道亦不遜當年,湯底同樣是濃濃的蝦子味.量雖然不算太多,但對一位普通的大人都應該夠飽的.不能不提的便是此店之奶茶,比咖啡超卓,值得一試.

當日的午餐總共$58一位,有麵有菜有飲品,在圓方來說算可以接受.

今次看板娘---馬場樂子---對雙丸河套餐評分為...

當然為何要提及一年前的事,原因是當時見到世界級著名的國際飲食節目主持人---甄文達先生在店內.小弟自小已經常常看他的飲食節目,佢常常在節目尾說[IF YAN CAN COOK,SO YOUCANCOOK,再見]真的街知巷聞.看他在節目中幽默的說話技巧,巧妙的刀工及多姿多采的烹調方法,已令海外及中華地區的觀眾大開眼界.甄文達先生約在三十年前已在北美洲地區主持節目,把中國博大的飲食文化加以宣傳到海外,讓大家加深對中華食物的認知.再者,小弟最佩服甄先生對廚藝的熱誠及對廚房衛生的堅持,這是現代飲食成功要素的不二法門也.

當日小弟冒昧和他合照,他二話不說便答應了,還非常好笑容.看他的笑容便即時讓小弟諗起他主持節目時的生動表情.

皆因當時小弟的工作遇到挫折,心神不定,小弟當時曾經想把堅持了五年的賽馬專欄及三年的賽馬節目完結,思考良久,當時巧遇甄文達先生之後,想起他對飲食的堅持,小弟決定無論如何困難,都希望能繼續為各位讀者寫下一次一次的賽馬及飲食評論,雖然小弟文筆拙劣,亦希望憑自己的一片丹心,繼續向前.

小弟又唔係靚模,還是把自己的樣子和諧掉算吧,費時影響大家的觀感^^

留言(0) | 引用(0)

(河馬仔專欄)10月1日賽馬日分析

河馬仔 | 30th Sep 2009 | 賽馬 | (18 Reads)

是日河馬仔十場心水選擇:
(因為每場寫兩隻太長,還是只長寫頭選短寫次選算啦)

第一場:

頭選---3.松林之星-此馬上場唔係沿途走三疊相信頭馬會係佢.況且上場頭二馬再出皆勝,本身此馬狀態拍不言而喻都能平分秋色,出腳勁度貫注輕盈.難敗矣.

次選---4.福至心靈-森林寶穴之子千二可能短但此馬成長極多,用得柏寶應有所期

是場心水:
3.松林之星-4.福至心靈-2.沙貝利-1.藍老虎

第二場:

頭選---1.金紫荊-上戰雖然失望但照睇應夠呢堆馬鬥,狀態仍未去到頂峰但尚且暢順.如雙辣再漏閘的話此馬應該係較有望之一隻.

次選---4.雙辣-同場對手非常地弱,出閘順利的話冇得飛,狀態同金紫荊差唔多

是場心水:
1.金紫荊-4.雙辣-12.你好我好-6.大進

第三場:

頭選---7.叫關快-上仗蝕盡形勢之下走三疊最後仍能撲前明顯較以往進步,狀態火氣收儉只係毛色仲要加深,不過馬身收到剛剛好,前後脾肌肉收得剛剛好,加長二百未必唔夠不言而喻鬥.

次選---2.不言而喻-狀態之前講過好過上次,只要跑回上次水準左右,要入圍應冇難度

是場心水:
7.叫關快-2.不言而喻-1.濰坊-4.不得了

第四場:

頭選---13.魅力影子-上場出頭過早,否則唔應該會如此潰敗,連課拍跳完全唔似吳廐一向緩進之作風,而且狀態神情皆勇銳非常,而且力度剛勁,用回舊拍檔賴仔才好,同場高分馬其實各有疑慮,如發揮得宜理應給予大威脅

次選---14.華劍寶-跑了兩場明顯變身極多,慢踱完全冇再懶散,連場見走近減分過龍之馬要兼顧

是場心水:
13.魅力影子-14.華劍寶-2.活威小子-3.尖子

第五場:

頭選---4.高智慧-此馬看來都係想老馬快快食,狀態較上仗更夠精神,九歲馬博得就博,萬一明天大利快放的話,就算十二檔佢都應該有能力爭到條欄,因為同場真正快馬確實少.

次選---6.鵬力洋洋-上場塞到最後百五才真正夠位衝之下表現非常悅目,晨操過後出腳整齊得多,加眼罩有助出閘,潛力唔低之馬有能力一試

是場心水:
4.高智慧-6.鵬力洋洋-2.雙龍出海-12.東海先鋒

第六場:

頭選---13.霹靂槍-上仗晨操非常沉但今次省完一仗後狀態轉佳不少,至少毛色已經一氣通貫.上場跟下跟下都走得近,同場對手大多冇冠軍相捧佢較安全

次選---9.好新聞-跑番一千米贏面高得多,舊年跑跑下走去加程結果越跑越差,休息過後明顯腰及腳都變得壯,回師勝途可以一諗

是場心水:
13.霹靂槍-9.好新聞-3.步步勝-12.常山鳳寶

第七場:

頭選---2.璐悅-對手少,加上實力又有距離,同場對手大多三班都未必穩言勝.此馬出腳整齊暢順,非常穩陣

次選---10.揀得正-上仗途程太短之下而且強行迫前坎可不理上仗賽績,此馬三班應該企得穩,如立心鬥後勁的話其實有能力鬥一鬥

是場心水:
2.璐悅-10.揀得正-5.首騎警-9. 印度光輝

第八場:

頭選---9.火箭動力-上場沿途外疊前速又慢又唔跟無敵神駒轉彎時走都輸哂先機.隻馬可喜的是冇瘦到,第二係毛色突然深潤好多,同場對手大多狀態欠佳,要偷雞還待可時

次選---12.開心歡笑-雖然上次只係險勝,但次馬鬥心橫強,有內檔就更如虎添翼,加長二百唔塞便安居平五路

是場心水:
9.火箭動力-12.開心歡笑-1.再領風騷-11.衝鋒槍

第九場:

頭選---2.喜盛龍-上戰非常可惜地被迫衝不利之外疊都係僅輸,跑多步都贏.上次狀態不行但今次狀態截然不同有進步,冇埋一大堆強手,相信同食蝦餃一樣咁易

次選---6.賞蝦王-上場只係轉彎時被海王子壓住難以推進,結果再找好跑線後已經太遲.上年已見走勢加上三班夠實力,不容忽視

是場心水:
2.喜盛龍-6.賞蝦王-11.好有勝-3.飛將軍

第十場:

頭選---12.精彩-上戰騎師之發揮略嫌失望,沿途走三疊變得被動,當日大利內疊前領之下如居三疊都接近必輸無疑.晨操快跳隻馬唔急但弓起哂頸,佢同競駿精英之實力同樣未見底,不過狀態係同場之冠,抽十三檔之馬能迫君子一言的馬唔會差得去邊,重視之.

次選---3.君皇鷹-檔劣但上戰路短仍近,馬才身忠心但出腳問題仍有待改善,增程四百鬥衝肯定較有把握,此組並非精英班理應較容易入圍

是場心水:
12.精彩-3.君皇鷹-4.首飾奇寶-8.競駿精英

留言(1) | 引用(0)

<開台-賽馬WQT>10月1日賽馬日賽前預測(主持:河馬仔,臨場)

河馬仔 | 30th Sep 2009 | 網上電台 | (7 Reads)

第二百五十三集

(主持:河馬仔,臨場)

(看板娘:馬場樂子)

今集河馬仔同臨場真係波馬齊齊講,除左會預告一下下次會講法國兩場海外賽事之預測外,仲走去講下波,為出戰亞洲足協盃的南華足球隊打氣,希望能勇奪冠軍!仲會細說以往在旺角場睇波之一點一滴......

今集兩位主持不挑戰三T而選三寶場次(第八,九,十場),希望國慶盃賽馬日喜氣洋洋,究竟國慶賽馬日要點選意頭馬???

<賽馬自助Q&A>會講下以下馬匹:

- 福至心靈
- 光芒四射
- 威猛情人
- 印度光輝
- 普梳王
- 飛快勇

http://overseas.openradiohk.com/media/download.php?gid=20&epino=253

在此支持一下報章之專欄<楊駿手記>,祝願楊駿之專欄聲望日隆,妙筆生花,大筆如椽,筆翰如流

如各位想在<賽馬自助Q&A>環節中問我們下次出賽馬匹之看法,請留言給我們.我們會盡力在節目中解答.(每位可以問兩匹,日賽集數最多講十匹,夜賽最多講七匹,請在排位日夜晚九時前寫下.)

留言(1) | 引用(0)

(河馬仔專欄)9月26日賽馬日分析

河馬仔 | 26th Sep 2009 | 賽馬 | (23 Reads)

由於今次跑星期六加上工作極度繁忙,再加上小弟想出在國慶賽馬日之馬評中出一份自己很想出的食評.所以食評要留待下次才出,敬請期待.

是日河馬仔十場心水選擇:

第一場:

<運動健將>上場搶唔到欄都輸得九成,呢場對手差得遠,加上內疊快馬未必多,以往用偉仔贏過.可能省完一場才好,切勿忘記

<全能>上仗暴走四疊,只好當冇跑過算.落五班對手完全唔同,狀態比上年好得多,馬身壯左一個碼,四平八正.

是場心水:
6.運動健將-1.全能-2.大師傅-7.威其利

第二場:

<時時有機>馬又操得又修好個身,馬本身唔叻但實際上一有條欄便非常肯自己走.今場對手已沒有如雄心馬主及不言而喻等四班過客,如守在成功網絡之入面,只要偉仔正常發揮,未必冇勝機

<高風格>上仗狀態未足之下都臨門僅敗駕寶表現已可算係喜出望外,近期睇練馬師親試之下比上戰力量更足.同場對手真係大多揀唔落手,不容忽視

是場心水:
10.時時有機-2.高風格-4.寶天利-6.東方駿馬
(閱讀全文)

留言(1) | 引用(0)

<開台-賽馬WQT>9月26日賽馬日賽前預測(主持:河馬仔,魯賓遜)

河馬仔 | 25th Sep 2009 | 網上電台 | (3 Reads)

第二百五十二集

(主持:河馬仔,魯賓遜)

(看板娘:馬場樂子)

今集河馬仔,魯賓遜兩位主持齊齊趕車咁趕星期六賽事預測,講下第四,六,七場心水選擇.點解講講下馬都可以講埋港女大鬧元朗一事?仲要講下騎師練馬師累積贏馬場數.究竟榜首榜尾又係點?

<賽馬自助Q&A>會講下以下馬匹:

- 傑出君子
- 雄獅寶貝
- 游龍獻瑞
- 天龍駿駒
- 搖滾雄風
- 真心

http://overseas.openradiohk.com/media/download.php?gid=20&epino=252

在此支持一下報章之專欄<楊駿手記>,祝願楊駿之專欄聲望日隆,妙筆生花,大筆如椽,筆翰如流

如各位想在<賽馬自助Q&A>環節中問我們下次出賽馬匹之看法,請留言給我們.我們會盡力在節目中解答.(每位可以問兩匹,日賽集數最多講十匹,夜賽最多講七匹,請在排位日夜晚九時前寫下.)

留言(1) | 引用(0)

<開台-賽馬WQT>9月23日賽馬日賽前預測(主持:河馬仔,魔術師)

河馬仔 | 22nd Sep 2009 | 網上電台 | (21 Reads)

第二百五十一集

(主持:河馬仔,魔術師)

今集本來有三位主持,但可惜楊駿支咪離奇失聲,只好由河馬仔代佢提供賽馬提供.久未聽過的河馬仔搭魔術師,又有D乜野火花?楊駿同魔術師又再挑戰三T場次,今次又成唔成功?

<賽馬自助Q&A>會講下以下馬匹:

- 齊心得寶
- 超力好
- 永利多
- 高鳴
- 勝利福星
- 電訊巨星

在此支持一下報章之專欄<楊駿手記>,祝願楊駿之專欄聲望日隆,妙筆生花,大筆如椽,筆翰如流

http://overseas.openradiohk.com/media/download.php?gid=20&epino=251

如各位想在<賽馬自助Q&A>環節中問我們下次出賽馬匹之看法,請留言給我們.我們會盡力在節目中解答.(每位可以問兩匹,日賽集數最多講十匹,夜賽最多講七匹,請在排位日夜晚九時前寫下.)

留言(3) | 引用(0)

(河馬仔專欄)元朗天鴻燒鵝脾飯評論

河馬仔 | 19th Sep 2009 | 飲食 | (27 Reads)

講起食燒鵝,又真係冇乜野心得,小弟平的貴的都試過,但一向都覺得價錢並未必如比例般反映該燒鵝好食與否,而小弟都係覺得燒鵝要乎合以下幾點便可...

1.皮脆
2.肉滑
3.熱辣辣
4.有彈力加有肉香

當然現時隨街食到之鵝飯都好可能係鴨,當然鴨肉香味及彈性大多都不及鵝肉,但實際上都唔差太遠.

食燒鵝好多人都喜歡食脾,小弟都喜歡.當然有人話左脾好食過右脾,其實接近冇根據,一隻鵝鴨唔會只用一邊來走路游水,只係以往香港舊社會的流傳而已.

今次講講一間網友大讚的燒臘店,位於元朗建業街之天鴻燒鵝飯店.

店內唔大,但已經有雜誌宣傳過了.

(閱讀全文)

留言(1) | 引用(0)

(河馬仔專欄)9月20日賽馬日分析

河馬仔 | 19th Sep 2009 | 賽馬 | (34 Reads)

是日河馬仔十場心水選擇:

第一場:

[福建王子]在四班已經表現出強勁的追勁,暑假後減到五班可謂虎落平原,再加上俊仔減七磅,馬身狀態比上季冇差到,老馬趁季初用最好,今戰到位

[馬霸龍]上季減分極多之下已見到佢慢慢改善脾氣力度之象,抽一檔再加上大量減磅之下,馬身較上年大隻而且出腳已見夠力度,有磅位之助爆冷良機

是場心水:
1.福建王子-12.馬霸龍-3.利之寶-5.活威小子

第二場:

[沙貝利]點講上年負頂磅加長四百跑輸都覺得唔奇,跑回首本一千今戰還要對住一批極弱之對手,講真就冇乜對手

[領航人]同樣上年與沙貝利鬥最後四百,馬身有如小坦克車,晨操馬眼銳利出腳輕巧,今仗再度串Q應唔難

是場心水:
2.沙貝利-10.領航人-1.金紫荊-4.馬中神駒 (閱讀全文)

留言(1) | 引用(0)

<開台-賽馬WQT>9月20日賽馬日賽前預測(主持:河馬仔,魯賓遜)

河馬仔 | 19th Sep 2009 | 網上電台 | (11 Reads)

第二百五十集

(主持:河馬仔,魯賓遜)

今集邁進二百五十集,河馬仔除左細數2006年錄第一集之瑣碎事外,仲講下週三賽事.

今場討論下第四,五,九場心水賽事.第四場何解兩位主持之選擇會大有不同?第五場挑戰三T安慰獎有難度?第九場君子一言技壓群雄?

<賽馬自助Q&A>會講下以下馬匹:

- 中華寶寶
- 開心福星
- 濟濟雄心
- 質超駒
- 寶天利
- 勁霸龍
- 團隊精神
- 秘密行動

http://overseas.openradiohk.com/media/download.php?gid=20&epino=250

如各位想在<賽馬自助Q&A>環節中問我們下次出賽馬匹之看法,請留言給我們.我們會盡力在節目中解答.(每位可以問兩匹,日賽集數最多講十匹,夜賽最多講七匹,請在排位日夜晚九時前寫下.)

今集為了慶祝<賽馬WQT>第二百五十集,今集會送出由同人組織黑蛛白蛛所畫的開季WALLPAPER,看板娘馬場樂子祝大家今季馬運亨通,旗開得勝!WALLPAPER有兩個SIZE供大家下載