是日河馬仔八場心水選擇及賽果由看板娘---馬場樂子為大家報導:

(真係大放霉氣,陰公...)



第一場:



14.開心假日-上場雖然賺盡都唔掂不過其實轉彎後曾受到前馬所擋住才難以突圍,單講表現唔算差.狀態單跳下老馬精神飽滿,再抽好檔之下威脅猶在



9.高駿-上場塞足一大條直路今次可以再補中多次,火氣冇上場咁旺不過此馬此程更合,換回梁家俊亦有條件一爭



是場心水:



14.開心假日-9.高駿-6.好歌-2.勝利世界



第二場:



12.福龍-點講都長直路較好,三場之中一場 比一場更進步,上力足矣,過步爽朗,到位了



2.揀得正-拍福龍一課兩駒出腳整齊有力,此程比千六更合發揮,上場已展示佢以往七成之追勁,落班如虎添翼



是場心水:



12.福龍-2.揀得正-3.廣友名駒-7.巴圖魯



第三場:



8.齊歡唱-晨操冇異樣,上力程度比上場更好,冇乜理由唔要佢



7.天生我財-千三磅E HONDA跑田草一千直路會較好,晨操幸不見大汗濕,計馬如冇緊張的話有實力入位的



是場心水:

8.齊歡唱-7.天生我財-3.常山鳳寶-10.霹靂槍



第四場:



11.同德寶-上兩次肥到隻豬咁,仲要場場走大外疊,晨操個樣呆滯唔包尾先奇.收埋一個月休息悠閒後的確個樣變了不少,出腳力度頗吸引而且肚腩紮番緊了.此馬走內欄及走外欄之追勁可以係兩隻馬,跑回舊年年尾質素的話遇一埋BB仔的話,勝機就要睇下騎師今場跑內欄定三疊啦



8.傾力之城-此馬步頻唔急但步頗闊,雖然快跳時有點急,但可同金堡龍華一戰之馬在此群可予取予攜,仲要抽一檔,贏面有如吸手A



是場心水:

11.同德寶-8.傾力之城-3.傳奇快車-10.辣得喜



第五場:



11.經典再現-上場發揮失望,只好講係丈八金剛摸不著頭腦,但見末段推騎時看似隻馬食唔到騎師之推騎,尚可俾此馬多一個希望啦,今次快跳兩段同場冇隻馬好得過佢,出腳快到七彩而且一點都唔亂,有力出冷



6.智勇-此馬大休後近期做番工夫一點都冇問題,馬身線條收得好而且毛色幾深及爽身,田草已證明有成績,此程未必短而且落班對手唔見太多明星馬,又係一路奇兵



是場心水:

11.經典再現-6.智勇-4.加州滿意-1.千杯不醉



第六場:



10.高智慧-老馬上次之敗都係博得太密,雖然今次對手極強,但此馬越跑越準,今仗只要快過毆馬繽紛入欄守三四位便極度好跑.此程已經熟識,老馬班底夠看似係唯一一隻可偷襲眾強手的一隻



3.心歡笑-晨操明顯變哂身,隻馬大隻哂而且定哂,再加上馬頸雄壯有勁,此馬外地千四有表現,頗有期待之馬已經磨拳擦掌了



是場心水:

10.高智慧-3.心歡笑-4.極品絲綢-7.銀影激光



第七場:



7.無敵神駒-睇晨操已經非常喜歡此馬啦,已經見到此馬以往狂掃六場之銳氣,隻馬眼神專注到係令人驚訝,步伐定而辣,同場對手應難纓其鋒啦



6.同一世界-白德民選此馬都應該冇錯,上場紅衣司令追多二百米都未必追到佢,跑過一場後草閘仍保持上仗之新鮮感,冇疲倦.此程更合仍有威脅之力



是場心水:

7.無敵神駒-6.同一世界-11.黃鑽石-12.陽明好好



第八場:



10.花好月圓-此馬上場路短加上狀態共得盛時一成之下仲要起步極慢,最後仍見到優良走勢,勁度已現.今次晨操好番好多,試草閘一課雖然毛色仍然未夠深,不過出腳已經順暢好多,更有磅讓而且韋建仕摸到實一實,動態極好



6.自由好-雖然明顯熱身,但連省兩課閘一課比一課追勁更好,火氣雖然並未去到全銳但都有八分.千六會較其他主要對手較有把握,其實只要立心拉出跑道中間追負此磅有得爭



是場心水:

10.花好月圓-6.自由好-3.友誼至上-11.好先生



第九場:



5.開心多多-此群對手大多似是而非,故此此馬加程四百亦唔太怕.更好的是上場在沿途外疊之下蝕位都可追近,增程確實較有勝算.快跳兩段一課力度豐厚,只要立心找遮擋便好好跑,落到呢個分減到夠哂,睇下會否今場反彈.



10.喜威寶-上仗忙命快放絕對可以唔理,根本此馬絕未見過本身最強走勢.上戰看似熱身多,馬身肥到爆.今戰跳過隻馬急少了唔少,隻馬主動肯走加上走位頗有彈性,加程跑啱啱好



是場心水:

5.開心多多-10.喜威寶-9.叻百利-2.羅馬



第十場:



13.不言而喻-上次單騎狂勝睇落大超班格,上班後負磅再輕,主要對手實在唔多,晨操同上仗一樣秀麗茁壯,只要出閘一順贏面極高



10.騰雲駕霧-上場隻馬步步重之下居然可一推便彈甩松風確實厲害非常,此馬已不能再有保留,晨操火氣極旺而且步步齊整,看來也是一路雄獅啦



是場心水:

13.不言而喻-10.騰雲駕霧-9.印度光輝-11.大家開心