KING OF POP之MICHAELJACKSON今年在籌備演唱會時離奇逝世,全世界之歌迷都對此非常哀痛,雖然小弟並唔係他的忠實歌迷,但對他的舞步,歌聲及舞台上之表現卻非常欣賞.

小弟第一次知道有MICHAEL JACKSON並不是在電視,而是在玩世嘉五代之電視遊戲認識的,遊戲內都有唔少名曲如SmoothCriminal,Beat It, Another Part of Me等等,係一個打壞人的平面遊戲而已,但小弟卻喜歡該遊戲之音樂才慢慢知道MICHAEL JACKSON原來有咁多經典勁歌熱舞,而小弟細個之時亦試過穿毛毛拖鞋在屋企練習MOONWALK(當然係失敗)

今次此片其實係一段段MICHAEL JACKSON在此This Is It演唱會綵排時之片段,中途亦有其合作伙伴之訪問(如DANCER,樂手等等),當然此片都有如睇一齣演唱會rehearsal般,看到萬一此演唱會真的出現的話大約究竟會如何.片內有很多歌都可聽到接近全首,如Smooth Criminal,Beat It,Jam,Human Nature等等.

片內其實睇到MICHAEL JACKSON在綵排時之表現,經常見到佢對音樂,場景,燈光之認真及熟識.佢在片段內經常強調需要排練,台上一分鐘,台下十年功確實冇錯.

片內見到每次歌舞表演後都會有幾個工作人員及DANCER拍手鼓勵,雖然這是一個永遠都唔會實現之演唱會,但片內之場景都不會給觀眾帶來荒涼感.反而全片都略為熱鬧,可能係唔想令到全片太悲傷.而全片都提出環保訊息,希望透過電影來帶出此訊息給觀眾反思.

當然如您唔係佢FANS的話未必會太投入,因為真係幾似睇演唱會錄像,不過對於一批聽過他的歌而喜歡的人來說,作為一套紀念之作來說,都係值得一看來回憶一下KING OF POP之舞台風采.

為何會一路寫馬一路寫此片?其實諗起MICHAEL JACKSON便諗到本港現役馬浦紅之友,其英文名正正就是MICHAEL JACKSON'S之名曲Man In The Mirror.此曲最強調之字,就是美國現今奧巴馬總統競選時之口號-CHANGE.